.
Sáttmáli gjørdur fyri starvsfólk á Føroya Tele
Sáttmáli gjørdur fyri starvsfólk á Føroya Tele

08. desember 2020 - kl. 17:00


Starvsmannafelagið og Føroya Arbeiðsgevarafelag hava seinnpartin í dag gjørt semju fyri sáttmálaøkið hjá Føroya Tele.

 

 

 

 

 

 

 

 

 

Partarnir hava gjørt ein 2 ára sáttmála, ið byggir á sama karm, sum fyri onnur sáttmálaøkir fyri sama tíðarskeið.

 

Starvsmannafelagið gjørdi tó púra greitt heilt frá byrjan av í samráðingunum, at felagið ikki vildi góðtaka, at lønarhækkingin ikki kom í gildi fyrr enn tríggjar mánaðir eftir, at sáttmálin kom í gildi. Altso at tíðarskeiðið fyri lønarhækkingina fyrsta árið bert var 9 mánaðar.

 

- Hetta hildu vit fast við, og tað eydnaðist at bróta hesa óhepnu og keðiligu gongdina, sum er komin inn síðani mai mánaða í ár, sigur Súni Selfoss, formaður í Starvsmannafelagnum.

 

Lønin hækkar í sáttmálaskeiðnum soleiðis:

1. januar 2021 hækkar lønin við 1,5375%.

1. januar 2022 hækkar lønin fyrst við 0,5125% roknað av lønini ultimo 2020, og við støði í hesum hækkar lønin síðani við 1,25%.

 

Harumframt eru nakrar broytingar gjørdar í sáttmálatekstinum.

 

Semjan kann lesast her


« Aftur
Næsta