mikudagur 19. desember 2018
Kjarnumálini 2015
 


 

 

 

 

 

 

 

 

 

 

 

 

 

Løntakarin og arbeiðsmarknaðurin í fokus

 

Kjarnumál hjá Starvsmannafelagnum í valárinum 2015

 

Starvsmannafelagið hevur avgjørt at varpa ljós á løntakan og arbeiðsmarknaðin nú løgtingsval er í hondum. Felagið hevur kjósað sær 12 kjarnumál, sum felagið vónar at flokkarnir fara at taka til sín og vit vóna fara at síggjast aftur í komandi valstríðnum

 

Tað eru álitisfólkini og nevndin í Starvsmannafelagnum, sum hava valt kjarnumálini, sum felagið síðani hevur lagt fyri teir sjey flokkarnar, sum eru umboðaðir í løgtinginum, at taka støðu til.

 

12 kjarnumál
Verkætlanin – lýsingin av kjarnumálunum, støða felagsins og brot úr grundgevingunum frá flokkunum – eru almannakunngjørd í einum serblað í Sosialinum, sum kom í hvør hús í landinum 1. juli. Eisini er tilfarið kunngjørt í Starvsblaðnum, sum kemur út í summar.

Lesið serblaðið um Kjarnumálini við at trýsta her.

 

Politisku  flokkarnir vóru bidnir um at taka støðu til kjarnumálini út frá trimum svarmøguleikunum, sum eru at lesa í yvirlitum, ið er knýtt at hvørjum einstøkum av kjarnumálunum. Allir flokkar, uttan Fólkaflokkurin, tóku støðu til svarmøguleikarnar, sum síggjast í yvirlitinum.

 

Lesið viðmerkingarnar
Harumframt fingu flokkarnir høvi í stuttum at grundgeva nærri fyri síni støðu til kjarnumálini. Allir sjey flokkar í Løgtinginum hava grundgivið fyri sínari støðutakan.

Vistrumegin á síðuni kanst tú lesa skrivligu viðmerkingarnar í fullari longd, sum flokkarnir hava sent Starvsmannafelagnum til tey 12 kjarnumálini.

Starvsmannafelagið ynskir øllum sínum limum og føroyingum annars eitt gott løgtingsval.