leygardagur 20. apríl 2019
Bjørg næstforkvinna í Starvsmannafelagnum
Bjørg næstforkvinna í Starvsmannafelagnum

21. mars 2019 - kl. 15:00


Bjørg Jacobsen eitur nýggja næstforkvinnan í Starvsmannafelagnum. Hetta avgjørdi nevndin í felagnum, nú hon hevur havt sín fyrsta fund og hevur skipað seg eftir aðalfundin 9. mars.

 

38 ára gamla Bjørg Jacobsen er produktleiðari á Føroya Tele. Hon varð vald í nevndina í Starvsmannafelagnum fyri tveimum árum síðani.

 

Tað er nevndin, sum ger av hvør ið skal vera næstformaðurin í felagnum, ella næstforkvinna, sum tað eitur í hesum føri.

 

Á aðalfundinum stóðu tveir nevndarsessir fyri vali. Noomi K. Rasmussen varð nývald og Hilmar Augustinussen varð afturvaldur.

 

Myndin niðanfyri er tikin á fyrsta nevndarfundinum eftir aðalfundin.

 


« Aftur
Næsta